Гараа халаасандаа хийх хоббитой хоёр

Монгол Улсын Ерөнхийлөгч Х.Баттулга, Монгол Улсын Ерөнхий сайд У.Хүрэлсүх, Байгаль орчин, аялал жуулчлалын сайд Н.Цэрэнбат, Боловсрол, соёл, шинжлэх ухаан, спортын сайд Ё.Баатарбилэг, Нийслэлийн Засаг дарга бөгөөд Улаанбаатар хотын захирагч С.Амарсайхан нар тавдугаар сарын 26-ны Ням гаригт хэд хэдэн газраар хамтдаа ажил шалгаж, танилцаж явсан тухай Ерөнхийлөгчийн хэвлэлийн алба мэдээлжээ.

Тэд Монгол-Кувейтын судалгааны төвд зочилж, дараа нь "Азийн хүүхдүүд-2020”, Зүүн Азийн залуучуудын 2023 оны наадмын тосгоны бүтээн байгуулалтын явцтай танилцсан байна.

Амралтын өдөр хүртэл төрийн өндөрлөгүүд маань ажиллаж байгааг сайшааж байгаа ч Ерөнхийлөгч Х.Баттулгын хувцаслалт шүүмжлэл дагууллаа. Амралтын өдөр гадуур хийх танилцах аялалдаа Ерөнхийлөгч нэг биш удаа ийм албан бус маягаар, спорт загвараар ч гэх юм уу хувцаслаж байна. Энгийн байх, минималист байх трэнд одоо давамгайлж байгаа ч спорт заалнаас нь машинд суулгаад аваад ирсэн юм шиг байх албагүй.

Ерөнхий сайд У.Хүрэлсүхийн хувьд амралт, алба хослуулан донжтой хувцасласан харагдана. Харамсалтай нь Ерөнхийлөгч, Ерөнхий сайд хоёр маань гараа халаасандаа шургуулах зуршилтай бололтой. Мэдээж төрийн өндөрлөгүүд ажилтай нь танилцана гээд цаад газрынхан нь хэрэндээ бэлдэж, харагдах байдал, хувцас хунараа ч бодож, хүндэтгэлтэй хандаж байхад би л төрийн өндөрлөг гэсэн байдалтай байх үл хүндэтгэл.

 

Энэ өдрийн аяллын албан мэдээг дор хавсаргав.

Хан-Уул дүүргийн 8-р хороо, "Буянт-Ухаа” спорт цогцолборын эсрэг талд спортын наадмын тосгоны бүтээн байгуулалт хуваарийн дагуу үргэлжилж байгаа бөгөөд битүү дээвэртэй ордон, усан бассейн, хөлбөмбөгийн талбай барих ажлууд хийгдэж байна. 

Тухайлбал, Монголын хөлбөмбөгийн холбооны Ерөнхий нарийн бичгийн дарга Ө.Шижирийн танилцуулснаар 115м х 85м хэмжээтэй ногоон зүлгэн талбайн ажил хуваарийн дагуу үргэлжилж, тоног төхөөрөмж угсрах шатандаа оржээ. Мөн талбайн услалтын систем гэхэд  газар тариалангийн услалтын систем шиг хоёр талаасаа талбайн гол хүртэл цацдаг зэргээр сүүлийн үеийн технологи ашиглаж байгаа гэлээ. Мөн ус зайлуулах системийг Голландаас оруулж ирэхээр төлөвлөсөн бөгөөд хөлбөмбөгийн талбай барих хэрэгцээт бүх материал, тоног төхөөрөмж ирэх сард багтан Монгол Улсад ирэх юм байна.

Монгол-Кувейтын судалгааны төв нь байгаль орчин, аялал жуулчлалын чиглэлээр судалгаа шинжилгээ хийх, нэн ховор амьтан ургамал хамгаалах, хөрс, ус, агаарын бохирдлоос урьдчилан сэргийлэх чиглэлээр үйл ажиллагаа явуулдаг юм.

Тус төвийнхэн Богдхан уулын дархан цаазат газартай хамтран судалгаа, шинжилгээ хийж дэлхийн хамгийн анхны Дархан цаазат уул болох Богдхан ууланд хамгаалалтын бүс тогтоох, булаг шандын эхийг сэргээх төсөл бэлтгэсэн байгаагаа Улаанбаатар хотын захирагч С.Амарсайханд юун түрүүнд танилцууллаа.

Мөн Монгол-Кувейтын судалгааны төвийнхэн Кувейтын Шинжлэх ухааны судалгааны төвтэй хамтран ажиллахаар бэлтгэж байгаа бөгөөд бодитой судалгаанд, тэр дундаа цөлжилт, ундны усны асуудалд анхаарч ажиллавал Кувейтын сан тодорхой төслүүдийг санхүүжүүлнэ гэдгээ мэдэгдсэн байна.

Монгол Улсын Ерөнхийлөгч Х.Баттулга Монгол оронд цөлжилт хурдацтай тархаж байгаа ч тодорхой бодлого гаргахгүй байгааг БОАЖ-ын сайд Н.Цэрэнбатад анхааруулж хэлээд, монголын хөрсөнд тохирсон бордоо, технологийг нэгдсэн бодлогод зангидах, энэ төвийн үйл ажиллагаанд тулгуурлан судалгаа, шинжилгээний ажлуудаа нэгтгэх шаардлагатай гэсэн юм.

Мөн "Ногоон хөгжил, аялал жуулчлалын нэгдсэн бодлого” төслийн зохицуулагч С.Очир-Эрдэнэ Монгол Улсын аялал жуулчлалын нэгдсэн бодлого баримт, бичгийг танилцууллаа.

Аялал жуулчлалыг хөгжүүлэхэд ямар асуудал тулгарч байгааг тодорхойлж, баримт бичиг гаргахын тулд гурван жилийн өмнөөс судалгааг эхлүүлсэн бөгөөд Монгол орноор 60-80 мянган км аялж, хаана, ямар асуудал байгааг нэг бүрчлэн тэмдэглэсэн байна. Мөн өргөн, уудам газар нутагтай Монгол Улсад аялал жуулчлалыг хөгжүүлэхийн тулд авто зам, агаарын тээвэр болон олон улсын стандартад нийцсэн үйлчилгээг нэвтрүүлэх зэрэг олон асуудлыг тусгажээ.

Мөн аялал жуулчлалыг хөгжүүлэхдээ бүсчилсэн байдлаар буюу жишээ нь, босоо тэнхлэгийн дагуу Баянхонгороос-Архангай-Өмнөговь гэсэн маршрут гаргах боломжтой юм байна. Ингэснээр Улаанбаатар-Өмнөговь-Улаанбаатар гэсэн маршрутаар явдаг одоогийн аялал жуулчлалын маршрут өөрчлөгдөж, илүү олон зүйлийг үзэж, харах боломжтой болно зэрэг олон асуудлыг танилцууллаа.

Мэдээг хэвлэх

Сэтгэгдэл:

Нэр:*
И-мэйл:
Сэтгэгдэл:
Strobel 28 May 2019 05:51 87.197.137.223
Kartons. Maxibriefkartons, Umzugskartons… Alle Sorten. Klebebänder. Acryl. Solvent. Alle Sorten. Hochwertige Waren vom Produzent. Fabrikverkauf. Versand am gleichen Tag aus Frankfurt. Bis 95 % günstiger als auf dem Markt. Müllsäcke und Vieles mehr. Info auf: folmax.pw Mit freundlichen Grüßen

Зорхиогчийн эрх хуулиар хамгаалагдсан. Мэдээлэл хуулбарлах хориотой.