Чуулганыг нээгээд л хаах уу?

УИХ-ын  даргын захирамжаар ээлжит бус чуулган зарлаж, өнөөдөр /2015.09.07/ нээлтээ хийсэн. Ээлжит бус чуулганаар  Өршөөлийн хуульд тавьсан Ерөнхийлөгчийн хориг болон засгийн асуудлыг хэлэлцэж байгаа.  Өнөөдөр намын бүлгүүд хуралдаж, Ерөнхийлөгчийн хоригийг хүлээж авахаар болсон. Тэгвэл эх сурвалжаас авсан мэдээгээр маргааш байнгын хороодоор Өршөөлийн хууль болон Засгийн газрын шинээр томилогдох сайдуудыг хэлэлцэж, үдээс хойшдоо чуулган хуралдаж, хаалтаа хийхээр төлөвлөсөн байна.

 

Тэгэхээр Ерөнхийлөгч, УИХ-ын дарга, Ерөнхий сайд нар хоорондоо тохиролцсон бололтой.

 Гэхдээ МАН-ын бүлгээс давхар дээлтэй сайдуудыг хүлээж авахгүй гэдгээ мэдэгдсэн. Тиймээс тэд засгийн асуудлаар завсарлага авч магадгүй гэсэн яриа байна. Тэгвэл "Шударга ёс” эвсэл  Өршөөлийн хуульд тавьсан Ерөнхийлөгчийн хоригоор завсарлага авч магадгүй байгаа сурагтай.

"Шударга ёс” бүлгийн зүгээс эхлээд Өршөөлийн хуулийн хоригийг хэлэцсэний дараа засгийн асуудлыг ярина гэсэн байр суурьтай байгаа гэнэ.  

Т.Нарансолонго

Мэдээг хэвлэх

Сэтгэгдэл:

Нэр:*
И-мэйл:
Сэтгэгдэл:

Зорхиогчийн эрх хуулиар хамгаалагдсан. Мэдээлэл хуулбарлах хориотой.